پس تم نے مجھ سے بار بار یہ سوال کیا ہے کہ میں ایک ایسا مجموعہ مرتب کر دوں جو حضور سید عالم احمد مجتبی محمد مصطفی صلی اللہ علیہ وسلم کے حقوق اور آپ کی عزت و تکریم کے وجوب پر مشتمل ہو اور ان لوگوں کے حکم میں جو ( بسبب غفلت کے) اس واجب التعظیم مرتبت کی معرفت سے غافل یا آپ کے منصب جلیل کے حقوق کی ادائیگی میں تراشۂ ناخن کے برابر قاصر ہیں۔ اور یہ کہ اس مجموعہ میں اپنے بزرگوں اور اماموں کے اقوال جمع کر کے ان کو صورتوں اور مثالوں میں بیان کروں ، یہ اچھی طرح سمجھ لو (اللہ عزوجل تمھیں محبوب بنائے) کہ جو کام میرے سپرد کیا ہے سخت مشکل کام ہے اور دشوار تر ہے، وہ ایسی خطر ناک مرتفع (بلند)گھاٹی ہے کہ میرا دل اس سے (انجام برآری میں) خوف زدہ ہے کیونکہ مقتضائے کلام مستدعی ہے کہ اصولی گفتگو ہو اور انداز بیان جامع مانع ہو جس میں حضور نبی کریم رؤف و رحیم ﷺ سے متعلق علم الحقائق کے رموز و کنایات اور اس کے غوامض و دقائق واضح طریقہ پر بیان کیے گئے ہوں، خواہ وہ آپ کی طرف منسوب کرنا جائز ہو یا اس کی نسبت شرعاً ممنوع ہو،( واضح کرنا ضروری ہے) اور یہ کہ نبی ، رسول ، رسالت، نبوت، محبت، خلت ( دوستی) اور اس مرتبہ عالیہ کی خصوصیات کیا ہیں ، ان کی معرفت بھی کرا دی جائے ، یہ وہ دشوار گزار وادی ہے کہ قطاد جیسا پرندہ جو نہایت تیز بین اور سبک رفتار ہے، وہ بھی پرواز سے متحیر ہے، قدم ڈگمگاتے ہیں ، وہ عقلیں پراگند ہ و گمراہ ہوتی ہیں جو نشان علم اور درست فکر و نظر سے راہ یاب نہ ہوں ،یہاں وہ معراج الاقام ہیں کہ اگر توفیق و تائید الٰہی پر اعتماد و بھروسہ نہ ہو تو قدم پھسل جائیں لیکن میں اپنے اور تمھارے لیے اللہ عزوجل سے بخشش و ثواب کا امید وار ہوں کیونکہ یہ مقام مدح حضور ﷺ اور ان کے رتبہ عالی کے بیان اور خلق عظیم کی تعریف گاہ ہے، اس میں حضور ﷺ کی ان خصوصیات و حقوق کا بیان ہے جو اس سے پہلے کسی مخلوق میں جمع نہیں ہیں، آپ ﷺ کے حقوق کی معرفت اللہ عزوجل کی ایسی اطاعت ہے جو تمام حقوق سے بلند تر ہےتا کہ اہل کتاب بھی یقین کریں اور اس کو لوگوں میں واضح طور پر بیان کر کے کتمان حق نہ کریں ( جیسا کہ ان سے یوم الست، روز میثاق عہد لیا گیا تھا)۔<br /><br />کتاب کا مکمل نام: الشفا بتعریف حقوق المصطفیٰ ﷺ<br /> مختصر نام: الشفا شریف <br />مصنف: ابوالفضل قاضی عیاض مالکی اندلسی رحمۃ اللہ علیہ<br /> مترجم: حضرت سید مفتی غلام معین الدین نعیمی رحمۃ اللہ علیہ<br /><br /><br />#Shorts<br />#KitabushShifa<br />#IslamicKnowledge<br />#ProphetMuhammad<br />#ThinkGoodGreen
